Jumuiya ya Watoa Huduma katika Sekta ya Mafuta na Gesi Tanzania (ATOGS) ikiongozwa na Mwenyekiti wake Mhe. Hon. Abdulsamad Abdulrahim, imefanya mkutano na Wajumbe wa Kamati ya Kudumu ya Bunge ya Nishati na Madini Bungeni, Jijini Dodoma.

Lengo la mkutano huo, ilikuwa ni kuishawishi serikali kuhusu ushirikishwaji wa wazawa katika fursa mbalimbali ili kuendelea kukuza uchumi wa nchi na kuboresha maisha ya kila mtaa

Kuweka mikakati katika dhana mbalimbali Ikiwa ni pamoja na

1. Kuondoa kero katika uwekezaji katika sekta ya gesi na mafuta ili kuweza
kuwatengenezea wawekezaji mazingira rafiki yatakayosaidia katika ukuaji wa
uchumi nchini.

2. Kuhakikisha Wazawa wananufaika na utoaji huduma katika miradi ya kimkakati kwa Kuwajengea uwezo wa kushiriki katika miradi hiyo.

3. Kuhakikisha kuwa sharia mbalimbali ambazo zinakwamisha uwekezaji na kupunguza fursa kwa wazawa zinaangaliwa upya kwa manufaa ya kukuza uchimi wa nchi na kila mzawa.

4. Kujenga uwezo wa wazawa wa kitaalamu na ufundi katika viwango vya kimataifa kwa kuhakikiksha kuwa tunashiriki katika kuboresha mitaala inayotolewa katika vyuo vyetu nchini ili kuviwezesha katika kuzalisha wazawa wenye uwezo wa kushiriki katika miradi ya kimkakati.

5. Kuwawezesha na kuwajengea uwezo makampuni yakitanzania kushirki katika miradi mbalimbali nchini hasa ile ya mikakati kwa kuwaondolea vikwazo mbalimbali vinavyokwamisha uwekezaji wa ndani na ushirikiano wao na makampuni ya kimataifa.